કેવી રીતે use કરશો?How to use — step by step guide

checklist૧. શરૂ કરતાં પહેલાં આટલું તૈયાર રાખોBefore you start

• શાળાનો ૧૧ આંકડાનો ડાયસકોડ (U-DISE)
• એક ચાલુ ઇમેઇલ આઇડી (પાસવર્ડ ભૂલી જાઓ ત્યારે એના પર જ લિંક આવશે)
• શાળાનો લોગો અને આચાર્યની સહી-સિક્કો ના ફોટા (હોય તો — પછી પણ ઉમેરી શકાય)
• વિદ્યાર્થીઓની યાદી — Excel ફાઈલ હોય તો કામ ખૂબ ઝડપી થશે
• ઇન્ટરનેટ ચાલુ હોય એવો મોબાઈલ કે કમ્પ્યુટર

admin_panel_settings૨. આચાર્ય માટે — ૬ પગલાંFor the principal

1. એકાઉન્ટ બનાવો

   લોગ-ઈન પેજ પર "નવું એકાઉન્ટ" ટૅબ ખોલો → યુઝર પ્રકારમાં આચાર્ય પસંદ કરો → ડાયસકોડ, ઇમેઇલ અને પાસવર્ડ ભરી એકાઉન્ટ બનાવો.

   પાસવર્ડ ઓછામાં ઓછો ૬ અક્ષરનો રાખવો અને ક્યાંક લખી રાખવો.

2. શાળાની વિગત ભરો

   ડેશબોર્ડ પર "શાળા વિગતો" ખોલો → શાળાનું નામ (ગુજરાતી + English), ગામ, તાલુકો, જિલ્લો, લોગો, આચાર્યની સહી અને સિક્કો ભરો.

   આ એક વારનું કામ છે — પછી LC, પત્રક, પ્રમાણપત્ર, ઓળખકાર્ડ બધા નમૂનામાં આ વિગત આપોઆપ છપાશે.
3. વર્ગ અને વિદ્યાર્થી ચઢાવો

   જનરલ રજીસ્ટર (GR) ખોલો — આ સોફ્ટવેરનું પાયાનું મોડ્યુલ છે. વિદ્યાર્થી ચઢાવવાની ત્રણ રીત છે:

   • Excel અપલોડ — તૈયાર નમૂનો ઉતારો, એમાં યાદી ભરો અને એકસાથે ચઢાવો (સૌથી ઝડપી)
   • ઝડપી કૉલમવાર ભરણી — એક ખાનામાં આખા વર્ગનાં નામ ટાઇપ કે પેસ્ટ કરો
   • એક-એક ફોર્મ — નવો પ્રવેશ થાય ત્યારે
   GR માં એક વાર બરાબર ભરેલી યાદી હાજરી, LC, બચત બેંક, હેલ્થ કોર્નર, પરીક્ષા — બધે એની એ જ વપરાય છે. એટલે અહીં ધ્યાનથી ભરવું.
4. શિક્ષકોને જોડો અને પરમિશન આપો

   શિક્ષકોને કહો કે તેઓ શિક્ષક તરીકે પોતાનું એકાઉન્ટ બનાવે (નીચે વિભાગ ૩ જુઓ). પછી તમે "શિક્ષક પરમિશન" ખોલીને દરેક શિક્ષક માટે નક્કી કરો:

   • કયાં મોડ્યુલ દેખાય (હાજરી, બચત બેંક, પ્રવૃત્તિ…)
   • કયો વર્ગ ફાળવવો — મોડ્યુલ પ્રમાણે અલગ વર્ગ પણ આપી શકાય
5. જે મોડ્યુલ જોઈએ એ વાપરવાનું શરૂ કરો

   ડેશબોર્ડ પરથી કોઈ પણ મોડ્યુલ ખોલો. ⭐ વારંવાર વપરાતાં મોડ્યુલને પિન કરી શકાય, અને ઉપરના સર્ચ ખાનામાં નામ લખીને પણ સીધું ખોલી શકાય.

   કયું મોડ્યુલ શું કરે છે એની આખી યાદી → સોફ્ટવેરમાં સુવિધા

6. સબસ્ક્રિપ્શન લો

   સોફ્ટવેરનાં બધાં જ મોડ્યુલ માટે એક જ ફિક્સ ભાવ ₹ ૧૯૪૯ છે (એક શાળા, એક વર્ષ) — સોફ્ટવેરમાં જ ઓનલાઈન ભરી શકાય છે.

   હાલ થોડો સમય તમે સોફ્ટવેર વાપરી શકો છો. ૧ સપ્ટેમ્બર, ૨૦૨૬ થી ચુકવણી કરવાની રહેશે, જે એક વર્ષ માટેની રહેશે.

   ભાવ અને શરતો → રિફંડ નીતિ

co_present૩. શિક્ષક માટે — ૩ પગલાંFor teachers

1. તમારું એકાઉન્ટ બનાવો

   "નવું એકાઉન્ટ" ટૅબ → યુઝર પ્રકારમાં શિક્ષક → આ ભરો:

   • ડાયસકોડ — તમારી શાળાનો જ (આચાર્યનું એકાઉન્ટ પહેલાં બનેલું હોવું જોઈએ)
   • યુઝરનેમ — અંગ્રેજીમાં ટૂંકું નામ, દા.ત. ramesh (એક શાળામાં એક જ વાર વપરાય)
   • પૂરું નામ ગુજરાતીમાં, ઇમેઇલ અને પાસવર્ડ
2. આચાર્ય પાસે પરમિશન લો

   એકાઉન્ટ બન્યા પછી આચાર્યશ્રીને કહો કે "શિક્ષક પરમિશન" માંથી તમને જોઈતાં મોડ્યુલ અને તમારો વર્ગ ફાળવે. જ્યાં સુધી પરમિશન ન મળે ત્યાં સુધી બધાં મોડ્યુલ દેખાશે નહીં.

3. લોગ-ઈન કરી કામ શરૂ કરો

   હવે પછી ડાયસકોડ + યુઝરનેમ + પાસવર્ડ થી લોગ-ઈન કરો. તમને ફાળવેલા વર્ગનો જ ડેટા દેખાશે.

today૪. રોજનું કામ — ૨ મિનિટમાંDaily routine

હાજરી પૂરવી

• દૈનિક હાજરી ખોલો → ધોરણ પસંદ કરો → ગેરહાજર વિદ્યાર્થી પર ટિક કરો → "હાજરી પૂરી કરો" દબાવો.
• આખો વર્ગ ગેરહાજર હોય (રજા/પ્રવાસ) તો પણ "હાજરી પૂરી કરો" દબાવવું જ — તો જ એ નોંધાય છે.
• શિક્ષક હાજરી પૂરે એટલે આચાર્યની સ્ક્રીન પર આપોઆપ દેખાય છે — રિફ્રેશ કરવાની જરૂર નથી.
• QR ઓળખકાર્ડ છપાવ્યાં હોય તો QR સ્કેન થી પણ હાજરી પૂરી શકાય.

મહિનાના અંતે

• હાજરી બુક (મસ્ટર) — આખા મહિનાનું પત્રક તૈયાર, સીધું છાપી શકાય.
• માસિક રિપોર્ટ — સરેરાશ હાજરી, ધોરણ-વાર આંકડા.
• ગેરહાજર ફોલો-અપ — વધુ ગેરહાજર રહેતા વિદ્યાર્થીની યાદી અને વાલીને WhatsApp સંદેશ.

install_mobile૫. એપ તરીકે ઇન્સ્ટોલ કરોInstall as an app

આ વેબસાઈટ છે, પણ એને મોબાઈલ કે કમ્પ્યુટરમાં એપની જેમ ઇન્સ્ટોલ કરી શકાય છે — પછી દર વખતે બ્રાઉઝરમાં સરનામું લખવું ન પડે.

• એન્ડ્રોઇડ ફોન: Chrome માં લોગ-ઈન પેજ ખોલો → નીચે દેખાતું "એપ તરીકે ઇન્સ્ટોલ કરો" બટન દબાવો (અથવા મેનૂ ⋮ → "Add to Home screen").
• iPhone / iPad: Safari માં ખોલો → Share બટન → "Add to Home Screen".
• કમ્પ્યુટર: Chrome / Edge ના સરનામાં-પટ્ટીની જમણી બાજુ દેખાતું ઇન્સ્ટોલ ચિહ્ન દબાવો.

backup૬. બેકઅપ અને સલામતીBackup & safety

• તમારો ડેટા આપોઆપ ક્લાઉડમાં સચવાય છે — ફોન ખોવાય કે કમ્પ્યુટર બગડે તો પણ બીજા ડિવાઇસ પરથી લોગ-ઈન કરતાં બધું મળી જશે.
• તો પણ વર્ષમાં બે-ત્રણ વાર GR માંથી Excel નિકાસ કરીને એક નકલ તમારી પાસે રાખવી — બેકઅપનું બટન મોડ્યુલમાં જ છે.
• શેર થતા કમ્પ્યુટર પર લોગ-ઈન કરો ત્યારે "મને યાદ રાખો" ની ટિક હટાવવી અને કામ પૂરું થયે લોગ-આઉટ કરવું.
• પાસવર્ડ કોઈને આપવો નહીં. ભૂલી જાઓ તો લોગ-ઈન પેજ પરથી "પાસવર્ડ ભૂલી ગયા?" વાપરો.
• વિદ્યાર્થીની અંગત માહિતી (આધાર, બેંક વિગત) જરૂર પૂરતી જ ભરવી.

quiz૭. વારંવાર પુછાતા સવાલFrequently asked questions

support_agent૮. તો પણ મદદ જોઈએ છે?Still need help?

• સોફ્ટવેરમાં જ "આપના પ્રતિભાવો" ખોલીને તમારો સવાલ કે સમસ્યા લખી મોકલો — એ સીધી અમારા સુધી પહોંચે છે.
• નવા અપડેટ અને ઉપયોગની ટીપ્સ માટે અમારા WhatsApp ગ્રુપ માં જોડાઓ (ડેશબોર્ડ પર કડી છે).
• તાત્કાલિક જરૂર હોય તો નીચેના ઇમેઇલ પર શાળાનું નામ અને ડાયસકોડ સાથે લખો.