૧. શરતોનો સ્વીકારAcceptance of terms
શાળા મેનેજમેન્ટ સોફ્ટવેર (આગળ "સોફ્ટવેર") Teacher Design Lab (આગળ "અમે") દ્વારા ચલાવાય છે. તમે એકાઉન્ટ બનાવો, લોગ-ઈન કરો કે સોફ્ટવેરનો કોઈ પણ ભાગ વાપરો — એટલે આ શરતો અને ગોપનીયતા નીતિ તથા રિફંડ નીતિ તમને લાગુ પડે છે.
જો કોઈ શરત મંજૂર ન હોય તો કૃપા કરીને સોફ્ટવેર વાપરવો નહીં.
૨. સેવા શું છેDescription of service
સોફ્ટવેર એ શાળાના વહીવટી કામ માટેની વેબ-આધારિત (PWA) સેવા છે — હાજરી, જનરલ રજીસ્ટર, LC, પત્રક, મસ્ટર, સમયપત્રક, બચત બેંક, પ્રવૃત્તિ આયોજન, SDP, ગુણોત્સવ વગેરે. પૂરી યાદી સોફ્ટવેરમાં સુવિધા પાના પર છે.
સોફ્ટવેર સહાયક સાધન (tool) છે. એ કોઈ સરકારી પોર્ટલનો ભાગ નથી, કોઈ સરકારી વિભાગ સાથે જોડાયેલો નથી અને એના દ્વારા બનતા નમૂનાની સરકારી માન્યતા આપોઆપ મળી જતી નથી. સરકારને મોકલતાં પહેલાં દરેક નમૂનો શાળાએ જાતે ચકાસવો.
૩. એકાઉન્ટ અને પાસવર્ડAccount & password
- એક શાળા = એક એકાઉન્ટ, જે શાળાના ડાયસકોડ (U-DISE) સાથે જોડાયેલું છે.
- નોંધણી વખતે સાચી અને ચાલુ માહિતી (શાળાનું નામ, ઇમેઇલ, સંપર્ક) આપવી ફરજિયાત છે.
- પાસવર્ડ ગુપ્ત રાખવાની જવાબદારી તમારી છે. તમારા એકાઉન્ટમાંથી થતી બધી પ્રવૃત્તિ તમારી ગણાશે.
- એકાઉન્ટનો ગેરવપરાશ થયાની શંકા હોય તો તરત પાસવર્ડ બદલવો અને અમને જાણ કરવી.
- એકાઉન્ટ કોઈને વેચવું, ભાડે આપવું કે બીજી શાળા સાથે વહેંચવું નહીં.
૪. શિક્ષકનાં એકાઉન્ટTeacher accounts
- આચાર્ય પોતાની શાળાના શિક્ષકો માટે એકાઉન્ટ મંજૂર કરી શકે છે અને દરેકને કયું મોડ્યુલ તથા કયો વર્ગ દેખાય એ નક્કી કરી શકે છે.
- શિક્ષકને એટલો જ ડેટા દેખાય જેટલી પરવાનગી આચાર્યે આપી હોય.
- શિક્ષક શાળા છોડે ત્યારે એનું એકાઉન્ટ બંધ કરવાની જવાબદારી આચાર્યની છે.
૫. મોડ્યુલ અને ભાવModules & price
- સાત મોડ્યુલ કાયમ મફત છે — જનરલ રજીસ્ટર (GR), LC રજીસ્ટર, પત્રક G, વાલી સર્ટિ (બાલવાટિકા), વાલી સર્ટિ (ધોરણ ૧), સ્પર્ધાત્મક પરીક્ષા અને આચાર્ય લોગ બુક. એની સાથે શાળાની માહિતી, શિક્ષક પરમિશન અને પ્રતિભાવ પણ મફત. એના માટે ક્યારેય ચુકવણી કરવાની રહેશે નહીં.
- બાકીનાં મોડ્યુલ ચાર કોમ્બો પેક માં છે — વિદ્યાર્થી પેક, શિક્ષક-વહીવટ પેક, ગુણવત્તા પેક અને પ્રવૃત્તિ પેક. જે પેક જોઈએ એ જ ખરીદી શકાય; બધા લેવા ફરજિયાત નથી.
- ભાવ શાળાની વિદ્યાર્થી-સંખ્યા અને કેટલા પેક લીધા એના પર આધારિત છે (₹ ૫૯૯ થી ₹ ૩,૨૯૯ સુધી), એક શાળા (એક ડાયસકોડ) માટે, એક વર્ષ ની મુદતનું. ચાલુ ભાવપત્રક સોફ્ટવેરમાં «ભાવપત્રક» પાના પર અને સુવિધા પાના પર છે.
- વિદ્યાર્થી-સંખ્યા ખરીદી વખતે શાળા પોતે જણાવે છે અને એ પરથી ભાવ નક્કી થાય છે. ખોટી ઓછી સંખ્યા જણાવીને ઓછો ભાવ ભરવો એ શરતભંગ ગણાશે.
- ચારેય પેક એકસાથે (આખું સોફ્ટવેર) લેનારને એ સબસ્ક્રિપ્શનની મુદત દરમિયાન ઉમેરાતાં નવાં મોડ્યુલ પણ મફત મળશે.
- ૨૪ ઓગસ્ટ, ૨૦૨૬ થી પેકવાળાં મોડ્યુલ માટે ચુકવણી ચાલુ છે, જે એક વર્ષ માટેની રહેશે.
- એ તારીખ પહેલાં ખરીદેલું કે અમે મફત આપેલું સબસ્ક્રિપ્શન એની મુદત પૂરી થાય ત્યાં સુધી ચાલુ જ રહેશે — નવી ભાવ-વ્યવસ્થાથી એમાં કોઈ ઘટાડો થશે નહીં.
- ભાવ સંબંધી બીજી વિગત રિફંડ નીતિ માં જુઓ.
૬. પેમેન્ટ અને મુદતPayment & subscription period
- પેમેન્ટ Razorpay દ્વારા ઓનલાઈન લેવાય છે (UPI / કાર્ડ / નેટ બેંકિંગ). બધા ભાવ ભારતીય રૂપિયા (₹) માં છે. GST લાગુ પડતો નથી — એટલે અમે «પેમેન્ટ રસીદ» આપીએ છીએ, GST invoice નહીં.
- દરેક ચુકવણીનું બિલ સોફ્ટવેરમાં «🧾 મારાં બિલ» માંથી ગમે ત્યારે PDF તરીકે ઉતારી શકાય છે.
- ૨૪ ઓગસ્ટ, ૨૦૨૬ થી પેકવાળાં મોડ્યુલ માટે ચુકવણી ફરજિયાત છે. કાયમ મફત મોડ્યુલ મફત જ રહે છે અને એ તારીખ પહેલાંનું કોઈ પણ ચાલુ સબસ્ક્રિપ્શન એની મુદત સુધી ચાલુ જ રહે છે.
- સબસ્ક્રિપ્શન પેમેન્ટની તારીખથી ૧ વર્ષ (૩૬૫ દિવસ) ચાલે છે.
- 💳 હપ્તા : બિલ ₹ ૨,૦૦૦ થી વધે ત્યારે જ બે હપ્તાનો વિકલ્પ મળે છે — લગભગ અડધું ખરીદી વખતે, બાકીનું ૬ મહિના પછી. બંને હપ્તાનું અલગ બિલ મળે છે. હપ્તાની સગવડ લેવાથી કુલ રકમ ₹ ૧૦૦ વધુ થાય છે (એકસાથે ભરવાથી એટલા બચે). પહેલો હપ્તો ભર્યા પછી મોડ્યુલ ૬ મહિના ચાલુ રહે છે; બીજો હપ્તો નિયત તારીખ સુધીમાં ન ભરાય તો પેકવાળાં મોડ્યુલ બંધ થાય છે — પણ તમારો ભરેલો ડેટા સચવાયેલો રહે છે અને બાકીનો હપ્તો ભરતાં ફરી ખૂલી જાય છે.
- સબસ્ક્રિપ્શન આપોઆપ રિન્યુ થતું નથી — મુદત પૂરી થાય ત્યારે તમે જાતે ફરી ભરો ત્યારે જ ચાલુ થાય છે. તમારા બેંક ખાતામાંથી આપોઆપ કોઈ રકમ કપાતી નથી. બીજા હપ્તાની રકમ પણ આપોઆપ કપાતી નથી — એ પણ તમારે જાતે ભરવાની છે.
- પેમેન્ટ થયા પછી મોડ્યુલ તરત ચાલુ થાય છે. ક્યારેક નેટવર્કના કારણે મોડું થાય તો લોગ-આઉટ કરી ફરી લોગ-ઈન કરવાથી ચાલુ થઈ જાય છે; તો પણ ન થાય તો પેમેન્ટ ID સાથે અમારો સંપર્ક કરો.
- ભાવ ક્યારેય બદલાય તો એ નવા સબસ્ક્રિપ્શન પર લાગુ પડશે — ચાલુ મુદત પર નહીં. હપ્તા યોજનામાં બીજા હપ્તાની રકમ પણ પહેલા હપ્તા વખતે નક્કી થયેલી જ રહેશે, વચ્ચે ભાવ વધે તોય નહીં વધે.
૭. વપરાશકર્તાની જવાબદારીYour responsibilities
- સોફ્ટવેરમાં ભરેલી દરેક માહિતીની સાચાઈની જવાબદારી શાળાની છે — વિદ્યાર્થીનું નામ, જન્મતારીખ, હાજરી, પરિણામ, બધું જ.
- વિદ્યાર્થીની અંગત માહિતી ભરવા માટે જરૂરી વાલીની સંમતિ અને શિક્ષણ વિભાગના નિયમોનું પાલન શાળાએ કરવાનું છે.
- LC, પ્રમાણપત્ર કે સરકારી પત્રક છાપતાં પહેલાં એની વિગત જાતે ચકાસવી.
- અગત્યના ડેટાનો સમયાંતરે બેકઅપ / નિકાસ લેવો (સોફ્ટવેરમાં એનાં બટન છે).
- લોગ-ઈનની વિગત ફક્ત અધિકૃત વ્યક્તિને જ આપવી.
૮. શું ન કરવુંProhibited use
- સોફ્ટવેરની નકલ કરવી, રિવર્સ-એન્જિનિયર કરવું કે એનો કોડ કાઢી બીજું ઉત્પાદન બનાવવું.
- બીજી શાળાના ડેટા સુધી પહોંચવાનો પ્રયત્ન કરવો કે સુરક્ષા તોડવાનો પ્રયાસ કરવો.
- એક જ સબસ્ક્રિપ્શન એકથી વધુ શાળા માટે વાપરવું.
- ખોટા, ગેરકાયદે કે અપમાનજનક લખાણ / ફોટા અપલોડ કરવા.
- સર્વર પર જાણી જોઈને વધુ પડતો બોજ નાખવો, બોટ કે સ્ક્રિપ્ટથી ડેટા ખેંચવો.
- સોફ્ટવેરને ભાડે આપવો, ફરી વેચવો કે એની સેવા બીજા નામે આપવી.
આ શરતોનો ભંગ થાય તો અગાઉથી જાણ કર્યા વગર એકાઉન્ટ બંધ કરવાનો અમને હક છે, અને એવા કિસ્સામાં ભરેલી રકમ પરત મળશે નહીં.
૯. ડેટાની માલિકી અને બેકઅપData ownership & backup
- તમે ભરેલા બધા ડેટાના માલિક તમે (શાળા) છો. અમે ફક્ત એને સાચવવાની ટેકનિકલ સેવા આપીએ છીએ.
- અમે એ ડેટા વેચતા નથી, જાહેરાત માટે વાપરતા નથી કે તમારી પરવાનગી વગર કોઈને આપતા નથી.
- ડેટા ક્લાઉડમાં આપોઆપ સચવાય છે, પણ અંતિમ બેકઅપની જવાબદારી શાળાની છે — સોફ્ટવેરમાં આપેલાં નિકાસ/બેકઅપનાં સાધન વાપરતાં રહો.
- એકાઉન્ટ બંધ કરો ત્યારે ડેટા નિકાસ કરી લેવાની જવાબદારી તમારી છે.
૧૦. બૌદ્ધિક સંપદાIntellectual property
સોફ્ટવેરનો કોડ, ડિઝાઇન, નમૂના (templates), લોગો અને લખાણ પર Teacher Design Lab નો હક છે. સબસ્ક્રિપ્શન લેવાથી તમને સોફ્ટવેર વાપરવાનો મર્યાદિત, બિન-વિશિષ્ટ અને બિન-તબદીલપાત્ર પરવાનો મળે છે — માલિકી મળતી નથી.
૧૧. સેવાની ઉપલબ્ધતાService availability
- અમે સોફ્ટવેર હંમેશા ચાલુ રાખવા પ્રયત્નશીલ છીએ, પણ ૧૦૦% અપટાઇમની ખાતરી આપતા નથી.
- જાળવણી, અપડેટ, ઇન્ટરનેટ ખોરવાય, Google Firebase / Vercel જેવી સેવા બંધ થાય — એવા સંજોગોમાં સેવા થોડો સમય બંધ રહી શકે છે.
- સોફ્ટવેર ચલાવવા માટે જરૂરી ઇન્ટરનેટ, ડિવાઇસ અને વીજળી ની વ્યવસ્થા વપરાશકર્તાએ કરવાની છે.
- સુવિધા ઉમેરવા, બદલવા કે બંધ કરવાનો હક અમારી પાસે અનામત છે.
૧૨. જવાબદારીની મર્યાદાLimitation of liability
સોફ્ટવેર "જેવો છે તેવો" (as-is) આપવામાં આવે છે.
- સોફ્ટવેરમાં ભરેલી ખોટી માહિતીથી થતા કોઈ પણ નુકસાન માટે અમે જવાબદાર નથી.
- ઇન્ટરનેટ, ડિવાઇસની ખરાબી, વપરાશકર્તાની ભૂલ કે ત્રીજી-કંપનીની સેવા બંધ થવાથી થતા નુકસાન માટે અમે જવાબદાર નથી.
- પરોક્ષ, આકસ્મિક કે વ્યાવસાયિક નુકસાન (નફો ગુમાવવો વગેરે) માટે અમે જવાબદાર નથી.
- કોઈ પણ સંજોગોમાં અમારી કુલ જવાબદારી છેલ્લા ૧૨ મહિનામાં તમે ચૂકવેલી રકમથી વધુ રહેશે નહીં.
૧૩. એકાઉન્ટ બંધ કરવુંTermination
- તમે ગમે ત્યારે સોફ્ટવેર વાપરવાનું બંધ કરી શકો છો; એકાઉન્ટ કાયમ માટે ભૂંસવું હોય તો અમને ઇમેઇલ કરો.
- શરતોનો ભંગ, ગેરકાયદે વપરાશ કે ચૂકવણી ન થવાના કિસ્સામાં અમે એકાઉન્ટ સ્થગિત કે બંધ કરી શકીએ છીએ.
- એકાઉન્ટ બંધ થયા પછી ડેટા મેળવવા માટે ૩૦ દિવસ ની મુદત મળે છે; ત્યાર બાદ એ કાયમ ભૂંસાઈ શકે છે.
૧૪. શરતોમાં ફેરફારChanges to terms
આ શરતો ક્યારેક સુધારી શકાય છે. મોટો ફેરફાર હોય તો સોફ્ટવેરમાં સૂચના મૂકવામાં આવશે. ફેરફાર પછી પણ સોફ્ટવેર વાપરવાનું ચાલુ રાખો એટલે નવી શરતો સ્વીકારેલી ગણાશે.
૧૫. કાયદો અને ન્યાયક્ષેત્રGoverning law & jurisdiction
આ શરતો પર ભારતના કાયદા લાગુ પડે છે. કોઈ પણ તકરાર ગુજરાત રાજ્યની અદાલતોના ન્યાયક્ષેત્રમાં આવશે. તકરાર ઊભી થાય તો પહેલાં ઇમેઇલ દ્વારા સમાધાનનો પ્રયત્ન કરવો.